રશિયા અને યુક્રેન વચ્ચે યુધ્ધ શરૂ થતાં યુક્રેનમાં અભ્યાસ અર્થે ગયેલા બનાસકાંઠા જિલ્લાના ૪૦ જેટલાં વિદ્યાર્થીઓ ફસાયા છે. યુક્રેનમાં અભ્યાસ અર્થે ગયેલા વિદ્યાર્થીઓ યુદ્ધની સ્થિતિમાં ત્યાં ફસાઈ જતાં તેમના માતા-પિતાના જીવ તાળવે ચોટ્યા છે. પરંતુ ગભરાવાની કોઈ જરૂર નથી આપણા દેશના વડાપ્રધાન શ્રી નરેન્દ્રભાઇ મોદીના નેતૃત્વવાળી કેન્દ્ર સરકાર દ્વારા આ વિદ્યાર્થીઓને સહીસલામત વતન પરત લાવવા માટેની કામગીરી રાતદિવસ ચાલુ છે. યુક્રેનમાં ફસાયેલા બનાસકાંઠા જિલ્લાના ૪૦ વિદ્યાર્થીઓ સહીસલામત છે. તે પૈકી ૧૯ વિદ્યાર્થીઓ રોમાનિયા પહોંચી ગયા છે, ૩ પોલેન્ડ અને ૪ વિધાર્થીઓ ખારકીવ પહોંચ્યા છે. ૧૧ વિદ્યાર્થીઓ યુક્રેનના જુદા જુદા શહેરોમાં સહીસલામત છે. જયારે ૩ વિદ્યાર્થીઓનો સંપર્ક થઈ શક્યો નથી. યુક્રેન અભ્યાસ અર્થે ગયેલ વિદ્યાર્થીઓની યાદી આ સાથે સામેલ છે. તેમ બનાસકાંઠા જિલ્લા વહીવટી તંત્ર દ્વારા જણાવાયું છે.