ચોથી લહેરમાં સૌપ્રથમવાર પાટણ જિલ્લામાં શનિવારે એક સાથે 33 કેસ આવતા આરોગ્ય વિભાગ હરકતમાં આવ્યું હતું. જેમાં પાટણ શહેરમાં જ 11 કેસ સામે આવ્યા હતા. 24 કલાકમાં વધુ 9 દર્દીઓ સ્વસ્થ હાલમાં 113 કેસ એક્ટિવ છે. પાટણ જિલ્લામાં 1599 લોકોના સેમ્પલ લેવામાં આવ્યાં હતાં.
જેમાં પાટણ શહેરમાં 11 તેમજ માતરવાડી અને સુજનીપુર ગામમાં 1-1 મળી તાલુકામાં 13 કેસ, ચાણસ્મા શહેરમાં 8 તેમજ ખારીધારિયલ ગામમાં 2, ગંગેટ અને મંડલોપ ગામમાં 1-1 મળી 12 કેસ, સિદ્ધપુર શહેરમાં 2 તેમજ બીલીયા, ઉંબરું, બદરીપુરા અને ગણવાડા ગામમાં 1-1 મળી 6 કેસ , સરસ્વતીના અજીમણામાં 1 અને ઓઢવા ગામમાં 11 વર્ષની કિશોરીનો કોરોના રિપોર્ટ પોઝિટિવ નોંધાયો હતો.
મહેસાણા જિલ્લામા 44 પોઝિટિવ કેસો નોંધાયા છે. 10 તાલુકાના ગ્રામ્ય વિસ્તારોમાં 36 કેસો આવ્યા છે. શહેરી વિસ્તારમાં 8 કેસ મળી આવ્યા છે. 14 દર્દીઓ સાજા થતાં ડિસ્ચાર્જ કરાયા હતા.બનાસકાંઠામાં ડીસામાં 8, ધાનેરામાં 3, પાલનપુરમાં 2, થરાદમાં 2 અને દાંતીવાડામાં 2 કેસ નોંધાયા હતા. એક્ટિવ કેસ વધીને 65 થયા છે.